ग्रुपमध्ये सहभागी होण्यासाठी क्लीक करा…👆🏻
नांदेड –वाडीच्या उपजिल्हा रुग्णालयाचे पर्यावरण मंत्री आदित्य ठाकरे यांच्या हस्ते उद्या भुमिपूजन होणार आहे. त्यांच्या या कार्यक्रमस्थळाची आज खासदार हेमंत पाटील, आ. बालाजी कल्याणकर, जिल्हाप्रमुख दत्ता पाटील कोकाटे, जिल्हाप्रमुख उमेश मुंडे, जिल्हाप्रमुख आनंद पाटील बोंढारकर आदींनी पाहणी केली.
वाडी, लिंबगाव, कासारखेडा, कामठा आदि पंचक्रोषीतील हजारो रुग्णांना आता विष्णुपूरीच्या शासकीय रुग्णालयाला जाण्याचा त्रास वाचविण्यासाठी नांदेड उत्तरचे आ. बालाजी कल्याणकर यांच्या सातत्याने केलेल्या पाठपुराव्याचे हे फलित असुन मुख्यमंत्री उध्दव ठाकरे यांनी विशेष बाब म्हणून मंजूर केलेल्या वाडीच्या उपजिल्हा रुग्णालयाचे भुमिपूजन शिवसेना नेते तथा युवासेना प्रमुख, पर्यावरण मंत्री आदित्य ठाकरे यांच्या हस्ते उद्या 10 मे रोजी सकाळी 11 वाजता वाडी येथे होणार आहे.
आ.बालाजी कल्याणकर यांनी दिलेल्या माहितीनुसार, गेल्या अनेक वर्षापासून वाडी परिसरात अद्यावत रुग्णालय व्हावे अशी मागणी परिसरातील नागरिकांकडून होत होती. वेगवेगळे होणारे अपघात, अचानक अस्वस्थ होणारे रुग्ण, महिलांच्या बाळंतपणाची समस्या तसेच वेगवेगळ्या दुर्धर आजार असलेल्या रुग्णांना या परिसरात एकही रुग्णालय नव्हते. विष्णुपूरीच्या शासकीय रुग्णालयाला जाण्यासाठी जवळपास 20 ते 25 किमी चा फटका रुग्णांना बसायचा. सोबत रुग्णांना होणारा त्रास व वेदना या वेगळ्याच. या सर्व बाबी लक्षात आल्यानंतर त्यांनी मुख्यमंत्री उध्दव ठाकरे यांच्याकडे वाडी येथे 100 खाटांचे रुग्णालय मंजूर करण्याचा आग्रह धरला. पालकमंत्री अशोक चव्हाण, राज्याचे सार्वजनिक आरोग्य मंत्री राजेश टोपे, उच्च व तंत्रशिक्षण मंत्री उदय सामंत यांनी या मागणीला मान्यता देत, त्यासाठी राज्याच्या अर्थसंकल्पात 65 कोटी रुपयांची तरतुद केली. त्यात 53 कोटी रुपये रुग्णालय ईमारती तसेच वेगवेगळ्या रोगावर असलेल्या उपचार यंत्रणाची सेवा तर उर्वरित रकमेतुन डॉक्टर व कर्मचाऱ्यांची निवासस्थाने होणार आहेत. वाडी, लिंबगाव, कासारखेडा, कामठा आदि पंचक्रोशीतील हजारो रुग्णांना त्यांचा फायदा होणार आहे.
वाडी येथे होणाऱ्या कार्यक्रमास पालकमंत्री अशोकराव चव्हाण, सार्वजनिक आरोग्य मंत्री राजेश टोपे, उच्च् व तंत्रशिक्षण मंत्री उदय सामंत, संपर्क प्रमुख आनंदराव जाधव, खा. हेमंत पाटील, आ. अमरनाथ राजुरकर, आ.मोहनराव हंबर्डे, महापौर जयश्री पावडे, युवासेना विस्तारक ॲड अमित गीते, मा.आ. अनुसयाताई खेडकर, मा.आ. नागेश पाटील आष्टीकर, मा.आ. रोहिदास चव्हाण, जिल्हाधिकारी डॉ.विपीन इटनकर, मुख्य कार्यकारी अधिकारी, वर्षा ठाकुर, आयुक्त सुनिल लहाने, शिवसेना जिल्हाप्रमुख, दत्ता पा. कोकाटे, उमेश मुंडे, आनंदराव पा.बोंढारकर, काँग्रेसचे जिल्हाध्यक्ष गोविंदराव नागेलीकर, राष्ट्रवादीचे जिल्हाध्यक्ष हरिराव भोसीकर, मुख्य अभियंता, ब.सी.पांढरे, अधिक्षक अभियंता, अविनाश धोंडगे, जिल्हा शल्यचिकित्सक डॉ.निळकंठ भोसीकर, धोंडू पाटील, मनोजराज भण्डारी, भुजंग पाटील, प्रकाश मारावार, दयाल गिरी, अशोक उमरेकर, सचिन किसवे, तुलजेस यादव, निखिल लातूरकर, माधव पावडे, बाळासाहेब देशमुख, जयवंत कदम, गजानन कदम, व्यंकटेश मामीलवाडी, सरपंच अश्विनी लोखंडे, साधना माधव पावडे, बाळासाहेब पावडे आदी मान्यवर उपस्थित राहणार आहेत. या कार्यक्रमास सर्वांनी आवर्जुन उपस्थित रहावे, असे आवाहन शिवसेना आ. बालाजी कल्याणकर (नांदेड उत्तर) यांनी केले आहे.
पर्यटन मंत्री अदित्य ठाकरे यांचा नांदेड दौरा
राज्याचे पर्यटन, पर्यावरण व वातावरणीय बदल, राजशिष्टाचार मंत्री अदित्य ठाकरे हे दिनांक 10 मे 2022 रोजी नांदेड दौऱ्यावर येत आहेत. त्यांचा दौरा कार्यक्रम पुढील प्रमाणे राहिल.
मंगळवार 10 मे 2022 रोजी मुंबई येथून खाजगी विमानाने श्री गुरु गोबिंदसिंघजी विमानतळ नांदेड येथे दुपारी 12.15 वा. आगमन. शंभर खाटांच्या जिल्हा रुग्णालयाच्या भूमिपूजन कार्यक्रम स्थळाकडे प्रयाण. दुपारी 12.30 वा. भूमिपूजन कार्यक्रमास उपस्थिती. दुपारी 1.40 वा. डीएसटीपी प्रकल्पास भेट व पाहणी. दुपारी 2 वा. मोटारीने परभणीकडे प्रयाण करतील. परभणी येथून रात्री 8.20 वा. श्री गुरू गोबिंदसिंघजी विमानतळ नांदेड येथे आगमन व राखीव. रात्री 8.30 वा. खाजगी विमानाने मुंबईकडे प्रयाण करतील.
उच्च व तंत्र शिक्षण मंत्री उदय सामंत यांचा नांदेड दौरा
राज्याचे उच्च व तंत्र शिक्षण मंत्री उदय सामंत हे दिनांक 10 मे 2022 रोजी नांदेड दौऱ्यावर येत आहेत. त्यांचा दौरा कार्यक्रम पुढील प्रमाणे राहिल.
मंगळवार 10 मे 2022 रोजी मुंबई येथून विमानाने श्री गुरु गोबिंदसिंघजी विमानतळ नांदेड येथे दुपारी 12.15 वा. आगमन. शंभर खाटांच्या जिल्हा रुग्णालयाच्या भूमिपूजन कार्यक्रम स्थळाकडे प्रयाण. दुपारी 12.30 वा. राज्याचे पर्यटन, पर्यावरण व वातावरणीय बदल, राजशिष्टाचार मंत्री अदित्य ठाकरे यांच्या समवेत भूमिपूजन कार्यक्रमास उपस्थिती. स्थळ- उपजिल्हा रुग्णालय वाडी (बु) नांदेड. दुपारी 1.40 वा. डी-एसटीपी प्रकल्पास भेट व पाहणी. स्थळ- विसावा गार्डन नांदेड. दुपारी 2 वा. नांदेड येथून मोटारीने परभणीकडे प्रयाण करतील. परभणी येथून रात्री 8.20 वा. श्री गुरू गोबिंदसिंघजी विमानतळ नांदेड येथे आगमन व राखीव. रात्री 8.30 वा. मंत्री अदित्य ठाकरे यांच्या समवेत विमानाने मुंबईकडे प्रयाण करतील.
ग्रुपमध्ये सहभागी होण्यासाठी क्लीक करा…👆🏻
